Luvr soyğunçuluğu: Oğurlanmış zinət əşyalarının aparıldığı qaraj tapıldı
Fransada Luvr Muzeyində ötən ilin oktyabrında baş verən soyğunçuluqla bağlı istintaq çərçivəsində oğurlanmış zinət əşyalarının cinayətdən dərhal sonra aparıldığı qaraj müəyyən edilib.
Crossmedia.az "Le Parisien" qəzetinə istinadən xəbər verir.
Paris yaxınlığındakı Obervilliers kommunasında yerləşən fərdi evin yeraltı qarajında şübhəlilərin hərəkətləri müşahidə kameraları tərəfindən qeydə alınıb, lakin zinət əşyalarının özü tapılmayıb.
Kameralarda iki kişinin skuterlərlə qaraja daxil olaraq zinət əşyalarına baxdığı və onları bir-birinə ötürdüyü görünür. Sonrakı günlərdə şübhəlilərin mümkün izləmədən ehtiyatlanaraq qaraja bir neçə dəfə qayıtdığı, hətta elektromaqnit şüalanma detektoru gətirdiyi bildirilir. Oktyabrın 22-dən 23-nə keçən gecə kameraları aşkar etdikdən sonra üzlərini gizlədən şübhəlilər qarajı tərk edib və bundan sonra oğurlanmış zinət əşyalarının izi itirilib.
18:57 13.01.2026
Oxunuş sayı: 1245
