Xarici xəbərlər

İrandakı aksiyalarda "daş qayaya rast gəldi": təhlükəsizlik qüvvələri etirazçılara birbaşa atəş açıb

İranın paytaxtı Tehran və digər şəhərlərdə etiraz aksiyalarının amansız şəkildə yatırılması ilə bağlı ciddi iddialar yayılıb.

Crossmedia.az “Iran Wire” nəşrinə istinadən xəbər verir ki, son iki gecə ərzində təhlükəsizlik qüvvələri etirazçılara birbaşa atəş açıb. Məlumata görə, güllələr əsasən baş və boyun nahiyələrini hədəf alıb.

Tehran, Şiraz, Nəcəfabad və Nişapur şəhərlərində çalışan həkimlər ağır itkiləri təsdiqləyərək bildiriblər ki, indiyədək bu miqyasda yaralı və ölənlərlə qarşılaşmayıblar. Tibb işçilərinin sözlərinə görə, xəstəxanalara çoxsaylı ağır vəziyyətdə olan şəxslər gətirilib.

Hüquq müdafiəçiləri isə vurğulayırlar ki, internetin bağlanması və informasiyaya çıxışın ciddi şəkildə məhdudlaşdırılması səbəbindən real itkilərin sayı açıqlanan rəqəmlərdən xeyli çox ola bilər.

Hadisələrlə bağlı rəsmi Tehran hələlik ətraflı açıqlama verməyib.

🖨 Çap et

17:15 13.01.2026

Oxunuş sayı: 1187