Xarici xəbərlər

Ermənistan müdafiə sənayesinə 400 milyon dollar ayıracaq

Ermənistan 2026-2028-ci illər arasında müdafiə sənayesini inkişaf etdirmək üçün 150 milyard dram (təxminən 400 milyon dollar) vəsait ayıracaq.

Crossmedia.az xarici mediaya istinadən xəbər verir ki, bunu ölkənin müdafiə naziri Suren Papikyan bəyan edib.

Papikyan bildirib ki, bu addım Ermənistanın silah tədarükünü diversifikasiya etmək və yerli istehsalı genişləndirmək məqsədini güdür. Onun sözlərinə görə, 2022-ci ildə Ermənistan şirkətləri ilə bağlanan müqavilələr 5,5 milyard dram təşkil edib və məhsulların böyük hissəsi artıq təhvil verilib.

Nazir həmçinin vurğulayıb ki, Ermənistanın Azərbaycanla silahlanma yarışına girmək niyyəti yoxdur. O, əlavə edib ki, bu, satınalma və modernləşdirmədən imtina demək deyil: “Ehtiyat ssenariləri müzakirə etməyə ehtiyac olmadan, proqnozlara əsasən planlar mövcuddur və həyata keçirilir”.

Bu addım ölkənin müdafiə potensialının gücləndirilməsi və yerli hərbi istehsalın stimullaşdırılması istiqamətində strateji əhəmiyyət kəsb edir.

🖨 Çap et

14:12 13.01.2026

Oxunuş sayı: 1066