TƏCİLİ: Nazirlik qadınları ordu sıralarına çağırdı
Ermənistanın müdafiə naziri Suren Papikyan qadınları orduya daha fəal qoşulmağa çağırıb.
Crossmedia.az bu barədə xarici mediaya istinadən xəbər verir.
Nazir yanvarın 13-də çıxışında bildirib ki, könüllü çağırış hələ də ləng gedir və qadınların hərbi xidmətdə iştirakı ölkənin müdafiəsi üçün vacibdir.
Papikyan həmçinin çağırışçı qadınların valideynlərinə müraciət edərək, onların dəstəyinin önəmini vurğulayıb. Nazir qeyd edib ki, könüllülərin təxminən 70%-i ilk növbədə zabit kimi xidmətini davam etdirməyə hazırdır.
Bu çağırış Ermənistan ordusunun qadın hərbiçilərin sayını artırmaq və onların hərbi peşəkarlığını gücləndirmək istiqamətində atdığı addımlardan biri kimi qiymətləndirilir.
13:43 13.01.2026
Oxunuş sayı: 960
