Xarici xəbərlər

ABŞ Qrenlandiyanı işğalsız ələ keçirir? Yeni ssenari açıqlandı

ABŞ 2028-ci ilə qədər Qrenlandiya üzərində “qan tökülmədən” nəzarət qura bilər. Bunun hərbi işğal və ya rəsmi satınalma yolu ilə deyil, mərhələli iqtisadi və siyasi təsir mexanizmlər vasitəsilə baş verə bilər.

Crossmedia.az xəbər verir ki, bu barədə Avropa Xarici Əlaqələr Şurasının elmi direktoru Ceremi Şapiro “Foreign Affairs” nəşrində dərc olunan məqaləsində yazıb.

Onun sözlərinə görə, Qrenlandiyanın “amerikalaşması” üçün ən inandırıcı ssenari ABŞ-nin adada investisiyalar, infrastruktur layihələri və inzibati razılaşmalar yolu ilə mövqelərini gücləndirməsidir.

Şapiro hesab edir ki, Vaşinqton “Şimalın strateji yenidən bölüşdürülməsi təşəbbüsü” adlı layihəyə start verə və cari ilin mayında Qrenlandiyanın infrastrukturunun modernləşdirilməsi və təbii ehtiyatlarının işlənməsi üçün 10 milyard dollar ayıra bilər. Nəticədə ada formal olaraq Danimarkanın tərkibində qalsa da, funksional baxımdan Ağ Evdən asılı vəziyyətə düşə bilər.

Nihat Tahirov

🖨 Çap et

12:37 13.01.2026

Oxunuş sayı: 1276