Zelenski İranda üsyanı dəstəklədi: Dünya hərəkətə keçməlidir
Bu gün Ukrayna prezidenti Volodimir Zelenski İrandakı etirazlara açıq dəstək verib.
Crossmedia.az bu barədə xarici mediaya istinadən xəbər verir.
O, “X” hesabında fars dilində ilk paylaşımını edərək İranda baş verənləri “üsyan” kimi dəyərləndirib.
Onun sözlərinə görə, bu proses Rusiyaya da aydın mesajdır və müttəfiqləri üçün vəziyyətin asan olmayacağını göstərir.
Ukrayna lideri vurğulayıb ki, dünyadakı hər bir adi insan İran xalqının mövcud rejimdən azad olmaq şansı əldə etməsini istəyir. O, bu rejimin yalnız İran daxilində deyil, Ukrayna və digər ölkələr də daxil olmaqla bir çox yerlərdə böyük əzab-əziyyətə səbəb olduğunu qeyd edib.
Zelenski bildirib ki, dəyişiklik üçün yaranmış bu tarixi məqam qaçırılmamalıdır. Onun sözlərinə görə, dünya liderləri, ölkələr və beynəlxalq təşkilatlar indi hərəkətə keçməli, İrandakı mövcud vəziyyətə görə məsuliyyət daşıyanların aradan qaldırılması üçün İran xalqına real dəstək göstərməlidirlər.
Kübra Musayeva
12:33 13.01.2026
Oxunuş sayı: 1066
