Dublində Zelenskinin təyyarəsi yaxınlığında PUA insidenti
İrlandiyanın Dublin hava limanında Zelenskinin təyyarəsinin enişinə az qalmış uçuş qadağan olunmuş zonaya dörd naməlum hərbi tipli PUA daxil olub.
Crossmedia.az "İrlandiyanın The Journal nəşri"-ə istinadən xəbər verir. Məlumata görə, Zelenskini daşıyan təyyarə gecə saatlarında baş verən hadisədən bir neçə dəqiqə əvvəl, cədvəldə nəzərdə tutulandan bir qədər tez eniş edib. Dronların peyda olduğu vaxt təyyarənin hava limanı üzərində görünməsi gözlənilən anla üst-üstə düşüb.
Hadisədən sonra PUA-ların İrlandiya Hərbi Dəniz Qüvvələrinə məxsus gəmi ətrafında dolaşdığı bildirilib. Məlumata əsasən, dronların kim tərəfindən işə salındığı, kim tərəfindən idarə edildiyi və hazırda harada yerləşdiyi hələlik məlum deyil.
Rəsmilər bildiriblər ki, PUA-ların vurulmaması barədə qərar qəbul edilib, çünki gəmidə onları zərərsizləşdirmək üçün uyğun avadanlıq olmayıb.
18:05 05.12.2025
Oxunuş sayı: 5876
