Bu, Azərbaycanın və bütün Türk Dünyasının gələcəyinin əsas fəlsəfəsidir - Deputat
Azərbaycan və Qazaxıstan arasında münasibətlər strateji tərəfdaşlıq və qarşılıqlı əməkdaşlıq prinsipləri üzərində qurulub. Son illərdə ölkələr arasında iqtisadi, siyasi və mədəni sahələrdə əlaqələr genişlənib. Prezident İlham Əliyevin Qazaxıstanın potensial kursunu dəstəkləməsi bu əməkdaşlığın davamlı olduğunu göstərir. İki ölkənin ortaq tarixi, mədəni və strateji maraqları qarşılıqlı etimadın möhkəmlənməsinə xidmət edir. Qazaxıstanın regional və beynəlxalq səviyyədə güclənməsi Azərbaycan üçün yeni əməkdaşlıq imkanları yaradır. Nəqliyyat və enerji layihələrində birgə təşəbbüslər iqtisadi inteqrasiyanı dərinləşdirir. Azərbaycan və Qazaxıstan həm regionda sabitliyin təmin olunmasına, həm də qlobal əməkdaşlıq imkanlarının genişlənməsinə töhfə verir. Dövlət başçılarının səfərləri və görüşləri əlaqələrin strateji əhəmiyyətini göstərir. Tərəfdaşlıq həm ikitərəfli, həm də türk dünyası kontekstində mühüm nəticələr doğurur. Bu əməkdaşlıq perspektivli və davamlı inkişafın əsasını təşkil edir.
Mövzu ilə bağlı Milli Məclisin deputatı Günay Ağamalı Crossmedia.az-a açıqlama verib: “Azərbaycan və Qazaxıstan qlobal çağırışlara adekvat reaksiya verərək ikitərəfli münasibətləri şaxələndirməyə davam edir. Cənab Prezident İlham Əliyevin qardaş ölkəyə səfəri və səfər çərçivəsində səsləndirdiyi fikirlər ölkələrimiz arasında dövlətlərarası münasibətlərin inkişaf perspektivlərini təyin etmək baxımından olduqca əhəmiyyətlidir. Bu kontekstdə dövlət başçısının Qazaxıstanın potensial kursunu dəskləməsini ifadə etməsi ölkələrimiz arasında strateji tərəfdaşlığın, qardaşlıq və qarşılıqlı etimad münasibətlərinin yüksək səviyyəsini bir daha nümayiş etdirir. Bu fikir həm də Azərbaycan diplomatiyasının əsas prioritetlərindən birini - türk dövlətləri arasında birliyin möhkəmləndirilməsini əks etdirir. Azərbaycan və Qazaxıstanı ortaq tarixi, mədəni və mənəvi köklər, türklük ideyası və ortaq strateji maraqlar birləşdirir. Qazaxıstanın regional və beynəlxalq müstəvidə güclənməsi, əslində, Türk Dünyasının siyasi, iqtisadi və geosiyasi gücünün artması deməkdir. Cənab Prezident İlham Əliyevin bu istiqamətdə səsləndirdiyi dəstək bəyanatı Türk Dövlətləri Təşkilatı çərçivəsində həmrəyliyin daha da dərinləşməsinə, iqtisadi inteqrasiya və nəqliyyat-logistika əlaqələrinin genişlənməsinə təkan verəcək. Rəsmi Bakı və Astana coğrafi mövqeylərin qazandırdığı dividentlərdən maksimum yararlanaraq Avropa və Asiya arasında körpü rolunu oynayır. Bu isə ölkələrimizin iqtisadi diversifikasiyanı reallaşdırmaq baxımından zəruridir”.
Deputat həmçinin bildirib ki, bütün bunlar Azərbaycanın uzaqgörən xarici siyasətinin bariz göstəricisidir. Çünki Cənubi Qafqazla Mərkəzi Asiyanı birləşdirən yeni nəqliyyat və enerji dəhlizləri - Zəngəzur dəhlizi, Transxəzər marşrutu və Orta Dəhliz layihələri məhz Azərbaycan və Qazaxıstanın qarşılıqlı dəstəyi və koordinasiyası sayəsində regional sabitliyin və rifahın əsas dayaqlarına çevrilir. Dövlət başçımızın rəhbərliyi ilə həyata keçirilən balanslı, etibarlı və perspektivli xarici siyasət sayəsində Azərbaycan regional lider olmaqla yanaşı, həm də qlobal əməkdaşlığın mühüm iştirakçısına çevrilib. Qazaxıstanla strateji tərəfdaşlığın möhkəmlənməsi isə Türk Dünyasının iqtisadi-siyasi qüdrətini daha da artıracaq və regionda sabitlik, inkişaf və təhlükəsizlik amilinə çevriləcək. Birlikdə güclüyük, birlikdə yüksəlirik! Bu, həm Azərbaycanın, həm də bütün Türk Dünyasının gələcəyinin əsas fəlsəfəsidir”.
Ayhan
18:20 21.10.2025
Oxunuş sayı: 1572
