Azərbaycan Mərkəzi Bankının nümayəndə heyəti İsveçrəyə səfər edib
Azərbaycan Mərkəzi Bankının nümayəndə heyəti İsveçrə Milli Bankında işgüzar səfərdə olub.
Crossmedia.az bu barədə AMB-yə istinadən xəbər verir.
Səfər çərçivəsində keçirilən görüşlərdə beynəlxalq ikitərəfli və çoxtərəfli əməkdaşlıq əlaqələrinin qurulması və əlaqələndirilməsi, daxili və xarici kommunikasiya proseslərinin səmərəli idarə olunması, yüksək səviyyəli rəsmi tədbirlərin planlaşdırılması və koordinasiyası ilə bağlı məsələlər müzakirə olunub.
Görüşlər zamanı qeyd olunan istiqamətlər üzrə İsveçrə Milli Bankında tətbiq olunan iş mexanizmləri, qabaqcıl təcrübələr və effektiv fəaliyyət modelləri ətraflı nəzərdən keçirilib. Bundan əlavə, müvafiq proseslərin idarə olunmasında istifadə edilən təşkilati yanaşmalar, qurumlararası əməkdaşlığın əlaqələndirilməsi və işin səmərəliliyinin artırılmasına xidmət edən təcrübələr ətrafında fikir mübadiləsi aparılıb.
17:19 17.11.2026
Oxunuş sayı: 88