Bəqayi: ABŞ ilə uranın zənginləşdirilməsinin dayandırılması müzakirə olunmur
İran və ABŞ arasında uranın zənginləşdirilməsi prosesinin müvəqqəti dayandırılması və ya səviyyəsinin azaldılması ilə bağlı müzakirələr aparılmır.
Crossmedia.az xəbər verir ki, bu barədə İran Xarici İşlər Nazirliyinin sözçüsü İsmayıl Bəqai Tehranda keçirdiyi mətbuat konfransında açıqlama verib.
O bildirib ki, tərəflər arasında danışıqlar hələ bu mərhələyə çatmayıb və indiyədək nüvə məsələsi ilə bağlı detallara baxılmayıb.
Bəqai ABŞ ilə mümkün razılaşma çərçivəsində uranın zənginləşdirilməsinin müvəqqəti dayandırılması və ya səviyyəsinin aşağı salınması barədə suala cavabında bu məsələlərin hazırda müzakirə mövzusu olmadığını vurğulayıb.
12:54 15.11.2026
Oxunuş sayı: 64
