Kuşner: Rusiya-Ukrayna müharibəsi yaxında bitə bilər
ABŞ Prezidenti Donald Trampın xüsusi nümayəndəsi Cared Kuşner bildirib ki, Vladimir Putin və Volodimir Zelenski ilə aparılan danışıqlardan sonra Ukraynada müharibənin başa çatmasına kömək edə biləcək yeni təkliflər ortaya çıxıb.
Crossmedia.az xarici KİV-ə istinadən xəbər verir.
Onun sözlərinə görə, hazırda o, ABŞ-nin xüsusi nümayəndəsi Stiv Uitkoffla birlikdə Ukrayna, Rusiya və Avropalı tərəfdaşlarla məsləhətləşmələri davam etdirir.
Kuşner qeyd edib ki, yeni ideyalardan bəziləri birbaşa irəliləyişə səbəb ola bilər, digərləri isə tərəflər arasında qalan fikir ayrılıqlarının aradan qaldırılmasına kömək edəcək təkliflər üçün əsas rolunu oynaya bilər.
O vurğulayıb ki, hər iki tərəf müharibənin başa çatması üçün praktiki kompromislərin zəruri olduğunu anlayır. Donald Tramp isə yalnız Ukraynanın və Avropanın təhlükəsizliyini gücləndirəcək razılaşmaları dəstəkləyəcək.
Məlumata görə, hazırda ABŞ tərəfi Moskva ilə Avropalı tərəfdaşlar arasında birbaşa dialoqun təşkil edilməsi və üçtərəfli danışıqların növbəti raundunun gündəliyinin hazırlanması istiqamətində də çalışır.
10:39 15.11.2026
Oxunuş sayı: 121
