ABŞ-nin əsas telekanalları Trampın çıxışlarını yayımlamağı dayandırıb
ABŞ-nin əsas televiziya şəbəkələri Ağ Evdə media qurumlarına giriş məhdudiyyətlərinə etiraz olaraq prezident Donald Trampın tədbirlərindən birgə video yayımını dayandırıb.
Crossmedia.az xəbər verir ki, bu barədə “Reuters” məlumat yayıb.
Məlumata görə, ABC, CBS, NBC, Fox News və CNN-in daxil olduğu televiziya hovuzu Trampın tədbirlərinin görüntülərini yayımlamaqdan imtina edib. Bu qərar CNN, MS NOW və Politico jurnalistlərinin Ağ Evə girişinin məhdudlaşdırılmasından sonra qəbul edilib.
Nəticədə Trampın bəzi çıxışlarının efirdə səs olmadan və ya ümumiyyətlə görüntü verilmədən qalması müşahidə olunub. Reuters-in məlumatına görə, televiziya şəbəkələri Ağ Evin media qurumlarına tətbiq etdiyi məhdudiyyətlərə etiraz olaraq ümumi yayım sistemini dayandırıb.
Bundan əvvəl Tramp CNN, MS NOW və Politico-nun Ağ Evə girişini qadağan etdiyini açıqlamışdı. Üç media qurumu isə sentyabrın 21-də Tramp administrasiyasına qarşı məhkəməyə müraciət edərək giriş məhdudiyyətlərinin ABŞ Konstitusiyasının Birinci Düzəlişində nəzərdə tutulan mətbuat azadlığı hüquqlarını pozduğunu bildirib.
23:57 21.09.2026
Oxunuş sayı: 60
