Finlandiyalı siyasətçi Kallasın Rusiya seçkiləri ilə bağlı mövqeyini tənqid edib
Finlandiyalı siyasətçi Armando Mema Avropa İttifaqının Rusiya Dövlət Dumasına keçirilən seçkilərlə bağlı mövqeyini tənqid edib.
Crossmedia.az xəbər verir ki, Mema bu barədə “X” sosial şəbəkəsindəki paylaşımında yazıb.
Mema Aİ-nin xarici siyasət və təhlükəsizlik üzrə ali nümayəndəsi Kaya Kallasın Rusiya seçkilərini demokratik standartlarla bağlı tənqid etməsini qeyd edib. O, eyni zamanda Avropada fikir ayrılığına görə insanların saxlanıldığını iddia edərək Kallasın demokratiya ilə bağlı Rusiyaya dərs verməsinin ziddiyyətli olduğunu bildirib.
Siyasətçi 2025-ci ildə Avropa Komissiyasının prezidenti Ursula fon der Lyayeni tənqid etdiyinə görə saxlanıldığını da xatırladıb və həmin hadisənin Avropa mediasında gizlədilməyə çalışıldığını iddia edib.
Aİ isə sentyabrın 18–20-də Rusiyada keçirilən Dövlət Duması seçkiləri ilə bağlı rəsmi bəyanatında seçki prosesində demokratik rəqabətin məhdudlaşdırıldığını bildirib. Birlik həmçinin Ukraynanın işğal olunmuş ərazilərində keçirilən səsverməni tanımadığını açıqlayıb.
22:46 21.09.2026
Oxunuş sayı: 50
