NASA rəhbəri Çinlə Ay yarışının sürətləndiyini bildirib
NASA rəhbəri Jared Isaacman ABŞ və Çin arasında yeni kosmik yarışın başladığını və Ay missiyalarında vaxtın kritik olduğunu bildirib.
Crossmedia.az xəbər verir ki, Isaacman ABŞ Hərbi Hava Qüvvələri Assosiasiyasının konfransında kosmik yarışın artıq illərlə deyil, aylarla ölçülən müddətdə inkişaf etdiyini deyib.
O bildirib ki, Çinin Ay missiyası ilə bağlı irəliləyişi ABŞ və digər ölkələr tərəfindən diqqətlə izlənilir. Isaacman həmçinin Çinin 2030-cu ilə qədər astronavtlarını Aya göndərməyi hədəflədiyini qeyd edib.
NASA rəhbəri bu rəqabətin texnologiya, təhlükəsizlik əlaqələri və gələcək kosmik standartlar baxımından qlobal nəticələrə səbəb ola biləcəyini vurğulayıb.
19:28 21.09.2026
Oxunuş sayı: 47
