Sirac Abuşov: Cəsarətin və Fədakarlığın Simvolu

Bu gün qəlbimiz qəhrəman bir insanın doğum gününü yad edir. Bu gün, qələmini haqqın, ədalətin və həqiqətin xidmətinə həsr etmiş, həyatını vətənə sevgi ilə yaşamış, peşə borcunu şərəflə yerinə yetirmiş şəhid jurnalist Sirac Abuşovun doğum günüdür.
Sirac Abuşov peşəsinə sədaqəti, qətiyyəti və vətənpərvərliyi ilə seçilən bir qələm sahibi idi. O, hadisələrin ən qızğın nöqtəsindən həqiqəti çatdırmaq üçün canını təhlükəyə atırdı. Xəbər xəttində işıq saçan bu fədakar insan, öz ömrünü həqiqət uğrunda mübarizəyə həsr etdi. Onun şəhadəti, jurnalist peşəsinin yalnız sözlə deyil, həm də böyük cəsarətlə yazıldığının parlaq nümunəsidir.
Bugün Sirac Abuşovun ruhu qarşısında baş əyir, onun adını həmişəlik yaddaşımızda yaşadırıq. Onun peşəsinə olan sədaqəti və vətənə məhəbbəti hər birimiz üçün nümunədir. Sirac Abuşov kimi qəhrəmanların xatirəsi zaman keçdikcə silinmir, əksinə, daha da ucalır.
Ruhu şad, məkanı cənnət olsun!
Elmir Heydərli
11:33 29.08.2025
Oxunuş sayı: 2450