KİV: Tramp administrasiyası İranın SEPAH rəhbərliyi ilə gizli kanal yaratmağa çalışıb ABŞ-ın İranla müharibənin dayandırılması barədə razılaşma əldə etmək cəhdləri zamanı Vaşinqton Tehrand
ABŞ-nin İranla müharibənin dayandırılması üzrə danışıqları zamanı Tehranın rəsmi nümayəndə heyətinin SEPAH rəhbərliyini həqiqətən təmsil edib-etmədiyi ilə bağlı şübhələr yaranıb.
Crossmedia.az xəbər verir ki, “Axios” üç mənbəyə, o cümlədən Ağ Ev rəsmisinə istinadən bu barədə məlumat yayıb.
Nəşrin məlumatına görə, Tramp administrasiyası İranın rəsmi danışıqlar kanalını yan keçərək birbaşa İslam İnqilabı Keşikçiləri Korpusu (SEPAH) rəhbərliyi ilə əlaqə yaratmağa çalışıb.
Bu məqsədlə vasitəçi kimi İraq Kürdüstanı Regional Hökumətinin Prezidenti Nəçirvan Bərzani seçilib. Mayın 10-da ABŞ-nin keçmiş Milli Kəşfiyyat direktoru Tulsi Qabbard Bərzani ilə əlaqə saxlayaraq SEPAH komandanı general Əhməd Vəhidi ilə danışmağa kömək etməsini istəyib.
Bərzani mayın 14-də Vəhidi ilə təhlükəsiz telefon danışığı təşkil edib. İranlı general danışıqlar heyətinin mövqeyini və böhranın danışıqlar yolu ilə həllini dəstəklədiyini bildirib. Bərzani bu mesajı Qabbarda, o isə Ağ Evə çatdırıb.
Bundan sonra ABŞ tərəfi Ərbildə yüksək səviyyəli amerikalı və iranlı nümayəndələr arasında gizli görüş keçirilməsini təklif edib. Lakin İran tərəfi İraq Kürdüstanında İsrail kəşfiyyatının mümkün fəaliyyəti ilə bağlı təhlükəsizlik narahatlıqlarına görə bu görüşə razılaşmayıb.
“Axios”un məlumatına görə, Bərzani yaxın vaxtlarda Ağ Evə İranla danışıqların yenidən başlanmasına kömək etməyə hazır olduğunu bildirən mesajlar da göndərib
14:19 17.08.2026
Oxunuş sayı: 54
