Bu ölkədə dəhşətli hadisə: Ana 4 yaşlı qızını körpüdən atıb
Braziliyanın San-Paulu şəhərində 23 yaşlı qadın dörd yaşlı qızını estakadadan aşağı ataraq ölümünə səbəb olub.
Crossmedia.az xəbər verir ki, bu barədə “Metropoles” məlumat yayıb.
Məlumata görə, hadisənin şahidləri qadının uşağı qucağında daşıdığını, daha sonra isə onu estakadanın məhəccərindən aşağı atdığını görüblər. Hadisədən şoka düşən avtomobil sürücüləri siqnal verərək müdaxilə etməyə çalışıblar. Bu zaman qadın qışqıraraq: “Mən qızımı öldürdüm!” – deyib.
Hadisə yerinə gələn təcili tibbi yardım əməkdaşlarına hücum etməyə çalışan qadın zərərsizləşdirilərək xəstəxanaya aparılıb. Hazırda onun həkim nəzarətində olduğu bildirilir.
Təxminən 15-20 metr yüksəklikdən yıxılan azyaşlı ağır xəsarətlər alıb. Həkimlərin müdaxiləsinə baxmayaraq, uşaq xəstəxanada həyatını itirib.
İlkin məlumata görə, qadın törətdiyi əməlin səbəbini izah edə bilməyib. Polis hadisəni qəsdən adam öldürmə faktı kimi araşdırır.
23:22 16.11.2026
Oxunuş sayı: 34