Kiyev yaxınlığında vurulan sərginin təşkilatçısı saxlanılıb
Kiyev yaxınlığında Rusiya Silahlı Qüvvələrinin zərbəsinə məruz qalan müdafiə sərgisinin təşkilatçısı saxlanılıb.
Crossmedia.az xəbər verir ki, bu barədə Ukraynanın Baş prokuroru Ruslan Kravçenko "Telegram" kanalında məlumat yayıb.
Onun sözlərinə görə, istintaq müəyyən edib ki, silah istehsalçılarını birləşdirən assosiasiyalardan biri müvafiq razılaşdırmalar aparmadan hərbçilərin, dövlət qurumlarının nümayəndələrinin, beynəlxalq tərəfdaşların və biznes təmsilçilərinin iştirakı ilə genişmiqyaslı tədbir təşkil edib.
Baş Prokurorluq saxlanılan şəxsin adını açıqlamayıb. Lakin yayımlanan fotolardan onun xəstəxanada müalicə aldığı görünür. Bu da təşkilatçının zərbə zamanı yaralandığı ehtimalını gücləndirir.
15:24 25.07.2026
Oxunuş sayı: 58
