Xarici xəbərlər
“Starship” prototipinin 13-cü sınaq uçuşu həyata keçirilib
SpaceX şirkəti “Starship” kosmik gəmisinin prototipini 13-cü sınaq uçuşuna uğurla göndərib və aparat missiyanı başa vuraraq Hind okeanına eniş edib.
Crossmedia.az xəbər verir ki, SpaceX bu barədə özünün X hesabında məlumat yayıb.
Raket ABŞ-nin Texas ştatında yerləşən “Starbase” buraxılış meydançasından iyulun 24-də saat 22:51-də Qrinviç vaxtı ilə (EDT vaxtı ilə 18:51) havaya qalxıb.
Şirkətin planına əsasən, kosmik aparat uçuş zamanı 20 ədəd “Starlink V3” peykini orbitə çıxarmalı idi. Onlardan altısının “Starship” prototipinin istilik qoruyucu sistemini müşahidə etmək üçün istifadə olunacağı bildirilib.
Uçuşun sonunda raketin Hind okeanına enişi nəzərdə tutulub. SpaceX son açıqlamasında sınaq uçuşunun uğurla tamamlandığını və prototipin okeana planlaşdırıldığı kimi eniş etdiyini bildirib.
“Starship”in bu buraxılışı əvvəlcə iyulun 16-na planlaşdırılmışdı, lakin son anda ləğv edilmişdi.
Uçuş SpaceX-in X platformasındakı rəsmi səhifəsində canlı yayımlanıb.
11:54 25.07.2026
Oxunuş sayı: 69
