Xarici xəbərlər

Makron: ABŞ-nin Qrenlandiya tariflərinə Avropa birgə cavab verəcək

Fransa Prezidenti Emmanuel Makron ABŞ-nin fevralın 1-dən qüvvəyə minəcək və Qrenlandiyanı ilhaq etmək niyyətinə əsaslanan tarif qərarına qarşı Avropa ölkələrinin koordinasiyalı cavab verəcəyini vəd edib.

Crossmedia.az xəbər verir ki, bu barədə xarici KİV məlumat yayıb.

Makron bildirib ki, "Tarif təhdidləri qəbuledilməzdir və bu kontekstdə yer tapmamalıdır. Avropalılar bunu vahid və koordinasiyalı şəkildə cavablandıracaq. Biz Avropa suverenliyini qoruyacağıq".

Fransa Prezidenti həmçinin vurğulayıb ki, heç bir təhdid və ya qorxutma ölkəsini təsir edə bilməz. Paris, dövlətlərin suverenliyinə və Birləşmiş Millətlər Təşkilatının prinsiplərinə sadiqliyinə əsaslanaraq, Qrenlandiyada keçiriləcək hərbi təlimlərdə iştirak edəcək.

Fatimə Məmmədova

🖨 Çap et

14:20 18.01.2026

Oxunuş sayı: 1196