Xarici xəbərlər

Qrenlandiya və Danimarka küçələrdə: Trampın planlarına kütləvi etiraz

Danimarka və Qrenlandiyada minlərlə insan ABŞ prezidenti Donald Trampın Qrenlandiya ilə bağlı planlarına etiraz məqsədilə küçələrə çıxıb.

Crossmedia.az bu barədə xarici mediaya istinadən xəbər verir.

Kopenhagen şəhərində təşkilatçıların məlumatına görə, təxminən 20 min nəfər şəhər bələdiyyəsinin qarşısında toplanaraq Danimarka və Qrenlandiya bayraqlarını dalğalandırıb.

Etirazçılar “Kalaallit Nunaat!” – Qrenlandiyanın yerli adı, həmçinin “Qrenlandiya qrenlandiyalılara məxsusdur!”, “Qrenlandiyaya əllərinizi çəkin!”, “Make Trump Go Away!” və “Make America Go Away!” şüarlarını səsləndiriblər.

Kopenhagen etirazçıların kolonnaları ABŞ səfirliyinə yönəldiyi bir vaxtda, etiraz aksiyaları Orxus şəhərində də keçirilib.

Qrenlandiyada isə Nuuq şəhərində ABŞ konsulluğunun qarşısında etiraz nümayişləri təşkil olunub.

🖨 Çap et

13:15 18.01.2026

Oxunuş sayı: 1267