Hələbin şərqində kritik anlar: SDQ gedir, Suriya ordusu gəlir
Suriya Ordusu Suriya Silahlı Qüvvələri Suriya Demokratik Qüvvələrinin geri çəkildiyi ərazilərə daxil olmağa başlayıb.
Crossmedia.az bu barədə xarici mediaya istinadən xəbər verir.
Əməliyyat qərargahından verilən məlumata görə, Suriya Silahlı Qüvvələrinin bölmələri Hələbin şərqində yerləşən Deyr Hafir şəhərindən başlayaraq Fərat çayının qərb sahilinə doğru yerləşdiriləcək.
Bu proses fonunda "The Wall Street Journal" yazır ki, ABŞ hakimiyyəti Dəməşqi kürd SDQ-yə qarşı hərbi əməliyyatları genişləndirəcəyi təqdirdə sanksiyaların yenidən tətbiqi ilə hədələyib.
Məlumata görə, ABŞ-nin Suriya üzrə xüsusi nümayəndəsi Tom Barrack və ABŞ Mərkəzi Komandanlığının (CENTCOM) komandanı Michael Kurilla gərginliyin artmasının qarşısını almaq məqsədilə hər iki tərəflə gündəlik danışıqlar aparır.
Bundan əlavə, ABŞ-nin vitse-prezidenti JD Vans Suriya prezidenti Əhməd əl-Şaraa ilə telefon danışığı apararaq onu kürd qüvvələri ilə mövcud fikir ayrılıqlarını siyasi yollarla həll etməyə razı salmağa çalışıb.
Analitiklər bildirirlər ki, SDQ-nin geri çəkilməsi və Suriya ordusunun irəliləməsi ölkənin şimalında yeni güc balansının formalaşmasına və regional gərginliyin artmasına səbəb ola bilər.
Kübra Musayeva
12:08 17.01.2026
Oxunuş sayı: 1298
