Kanadanın Baş naziri Mark Karni Ottavanın NATO-nun Qrenlandiya ilə bağlı kollektiv müdafiə mexanizmlərinə tam sadiq olduğunu açıqlayıb.
Crossmedia.az bu barədə xarici mediaya istinadən xəbər verir.
Karni bu bəyanatı Donald Trampın Qrenlandiyanın potensial olaraq ABŞ-yə birləşdirilməsi ilə bağlı səsləndirdiyi fikirlərə cavab olaraq verib. O vurğulayıb ki, Qrenlandiyanın gələcəyi yalnız Qrenlandiya xalqının və Danimarka Krallığının səlahiyyətində olan məsələdir.
“Qrenlandiyanın gələcəyi Qrenlandiya və Danimarka Krallığı üçün veriləcək bir qərardır”, – deyə Kanada Baş naziri bildirib. O əlavə edib ki, Kanadanın NATO çərçivəsində 5-ci və 2-ci maddələr üzrə götürdüyü öhdəliklər qüvvədə qalır və Ottava bu öhdəliklərin tam arxasındadır.
Karni’nin açıqlaması Arktika regionunda təhlükəsizlik və suverenlik məsələləri ətrafında artan beynəlxalq müzakirələr fonunda diqqət çəkir.
Kübra Musayeva
