Qaqauziya Xalq Məclisinə seçkilərlə bağlı təqvim planı təsdiqləndi
Qaqauziya Mərkəzi Seçki Komissiyası Xalq Məclisinə seçkilərlə bağlı təqvim planını təsdiqləyib.
Crossmedia.az xarici mediaya istinadən xəbər verir.
Namizədlər və təşəbbüs qrupları sənədlərini 21 yanvar–20 fevral tarixlərində, saat 09:00-dan 16:30-dək təqdim edə biləcəklər.
Sənədlər Komrat şəhərində, Şkolnaya küçəsi 3/A ünvanında yerləşən Qaqauziya MSK-nın binasında qəbul olunacaq.
Qanunvericiliyə əsasən, Qaqauziya Xalq Məclisi 35 deputatdan ibarətdir və onlar birmandatlı seçki dairələri üzrə seçilirlər. Deputatların səlahiyyət müddəti 4 ildir.
Qaqauziya Xalq Məclisinə deputat seçkilərində səsvermə günü martın 22-nə təyin edilib.
18:20 16.01.2026
Oxunuş sayı: 1370
