Sabiq diaspor rəhbərinin məhkəməsi başlayıb
Rusiyanın Yekaterinburq şəhərində Azərbaycan diasporunun keçmiş rəhbəri Şahin Şıxlinski ilə bağlı məhkəmə prosesi başlayıb.
Crossmedia.az xəbər verir ki, proses ilkin baxış mərhələsi ilə start götürüb. İclasda tərəflərin mövqeləri dinlənilib, iş üzrə prosedur məsələlərə aydınlıq gətirilib. Hazırda məhkəmə işi üzrə əlavə detallar açıqlanmayıb.
Qeyd edək ki, Şahin Şıxlinski uzun illər Yekaterinburqda Azərbaycan diasporunun rəhbəri kimi fəaliyyət göstərib və regionda diaspor quruculuğunda fəal iştirak edib. Məhkəmə prosesinin növbəti mərhələlərinin yaxın günlərdə davam etdiriləcəyi bildirilir.
Rəsmi qurumlar tərəfindən işin mahiyyəti ilə bağlı əlavə məlumat verildikcə, məsələ ilə bağlı yeniliklərin ictimaiyyətə çatdırılması gözlənilir.
Kübra Musayeva
13:47 15.01.2026
Oxunuş sayı: 1538
