Hələb vilayətində humanitar dəhliz yanvarın 15-də açılacaq
Suriyanın şimalında Hələb vilayətinin şərq rayonlarından humanitar dəhliz yanvarın 15-də açılacaq.
Crossmedia.az bu barədə xarici KİV-ə istinadən xəbər verir.
Məlumata görə, Hələb şəhərinə təhlükəsiz marşrut kürd birləşmələrinin irəliləyiş məntəqəsi olan Fərat çayındakı Deyr-Xafer yaşayış məntəqəsini və Suriyanın şimal paytaxtını birləşdirən əsas yol boyunca Həmimə məntəqəsindən keçəcək. Suriya ordusu mülki əhalini Hələbin şərqində "Suriya Demokratik Qüvvələri" (SDQ) koalisiyasının mövqelərinə yaxınlaşmamağa çağırıb. Çərşənbə axşamı əməliyyat komandanlığı şəhərin şərqində yerləşən rayonları qapalı hərbi zona elan edib. Döyüşçülərlə təmas xəttinə hərbi yardım və zirehli texnikalar göndərilib. Dəməşqdəki hakimiyyət orqanları SDQ-ni yanvar ayının əvvəlində şəhər məhəllələrinə, Suriya hərbçilərinin postlarına və daxili təhlükəsizlik qüvvələrinə zərbələr endirən pilotsuz uçuş aparatlarının buraxılması üçün Hələbin şərq ətraflarından istifadədə ittiham edib. Hərəkat hakimiyyət tərəfindən irəli sürülən ittihamları rədd edərək Fərat çayındakı dayaq məntəqəsinin ölkənin şimal-şərqində nəzarəti altında olan bölgələrin müdafiəsi üçün yaradıldığını vurğulayıb.
23:15 14.01.2026
Oxunuş sayı: 1295
