İranın XİN başçısı: İsrail etirazçılara silah verib
İsrail həmişə ABŞ-ni öz müharibələrinə cəlb etməyə çalışıb, lakin bu dəfə açıq şəkildə etiraf edir.
Crossmedia.az xəbər verir ki, bu barədə İranın Xarici İşlər naziri Hüseyn Əraqçi bildirib.
Əraqçi X sosial şəbəkəsində yazıb: “Ölkəmizdə qanlı iğtişaşlar fonunda İsrail açıq şəkildə fəxr edir ki, etirazçıları döyüş silahları ilə silahlandırıb, bu da yüzlərlə ölümə səbəb olub. Prezident Tramp indi dəqiq bilməlidir ki, ölümləri dayandırmaq üçün hara getməlidir.”
Xəbərə İsrail jurnalisti Tamir Moraqın paylaşımı da əlavə olunub. O qeyd edib ki, xarici elementlər İranda etirazçıları odlu silahlarla silahlandırır.
19:09 14.01.2026
Oxunuş sayı: 1094
