İran “Starlink”i susdurdu: Mask hərəkətə keçdi
İran İslam Respublikasının kibertəhlükəsizlik qüvvələri ölkədə baş verən genişmiqyaslı etirazlar fonunda Starlink peyk rabitəsinin fəaliyyətini ciddi şəkildə məhdudlaşdırıb.
Crossmedia.az bu barədə xarici mediaya istinadən xəbər verir.
Məlumata görə, görülən tədbirlər nəticəsində ölkə üzrə internet bağlantısının böyük hissəsi kəsilib və “Starlink” siqnalının əksər hissəsi bloklanıb. Məqsəd etirazçılarla xarici dünya arasında rabitənin qarşısını almaq kimi qiymətləndirilir.
Məsələ ilə bağlı İlon Mask açıqlama verərək bildirib ki, SpaceX mühəndisləri siqnalın bərpası və rabitənin dayanıqlı saxlanması üçün fasiləsiz şəkildə çalışırlar. Onun sözlərinə görə, şirkət proqram təminatı yeniləmələri və texniki dəstək vasitəsilə İran daxilində internet bağlantısını mümkün qədər aktiv saxlamağa cəhd edir.
Hadisə ABŞ administrasiyasının da diqqət mərkəzindədir. Prezident Donald Tramp İlon Mask ilə əlaqə saxlayaraq “Starlink” vasitəsilə İran daxilində internet bağlantısının bərpası imkanlarını müzakirə edəcəyini bildirib.
Hazırda vəziyyətin tam sabitləşmədiyi qeyd olunur. Texniki və siyasi səylərin davam etdiyi, tərəflər arasında prosesin gedişinin diqqətlə izlənildiyi bildirilir.
Kübra Musayeva
16:48 14.01.2026
Oxunuş sayı: 1342
