Tramp Davosa gedir: qlobal gündəmi silkələyəcək iştirak
ABŞ prezidenti Donald Tramp yanvarın 19–23-də İsveçrənin Davos şəhərində keçiriləcək Dünya İqtisadi Forumunda (Davos Sammiti) iştirak edəcək.
Crossmedia.az bu barədə xarici mediaya istinadən xəbər verir.
Sammit çərçivəsində qlobal iqtisadiyyat, beynəlxalq təhlükəsizlik, enerji bazarları, iqlim dəyişikliyi və geosiyasi proseslər əsas müzakirə mövzuları olacaq. Donald Trampın çıxışında ABŞ-nin iqtisadi prioritetləri, xarici siyasət kursu və beynəlxalq əməkdaşlıqla bağlı mövqeyini açıqlaması gözlənilir.
Davos Sammitində dünya liderləri, iri şirkətlərin rəhbərləri, beynəlxalq təşkilatların təmsilçiləri və ekspertlər bir araya gələrək qlobal çağırışlar və gələcək perspektivlər ətrafında fikir mübadiləsi aparacaqlar.
Trampın sammitdə digər dövlət və hökumət başçıları ilə ikitərəfli görüşlər keçirməsi də istisna olunmur.
09:23 14.01.2026
Oxunuş sayı: 1295
