Mayk Pompeo: ABŞ-nin dəstəyi İran rejiminin süqutunu sürətləndirə bilər
ABŞ-nin keçmiş dövlət katibi Mayk Pompeo İranda etirazçılara qarşı repressiyaların güclənməsi fonunda açıqlama verib.
Crossmedia.az bu barədə xarici mediaya istinadən xəbər verir.
O, sosial şəbəkədə paylaşımında İran xalqına göstəriləcək daxili və beynəlxalq dəstəyin ölkənin gələcək taleyində həlledici rol oynayacağını bildirib.
Pompeo qeyd edib ki, ali dini lider Əli Xameneinin göstərişi ilə repressiyalar dərinləşdikcə, həm İran daxilindəki qüvvələrin mövqeyi, həm də xarici güclərin bu kritik mərhələdə verəcəyi qərarlar prosesin istiqamətini müəyyən edəcək.
Keçmiş dövlət katibinin sözlərinə görə, əgər ABŞ İran xalqının yanında olmaq barədə verdiyi vədə sadiq qalarsa, korrupsiyaya uğramış və köhnəlmiş Tehran rejiminin süqutu yaxın gələcəkdə baş verə bilər.
Mayk Pompeo sonda vurğulayıb ki, mövcud şəraitdə İranın azadlıqsevər qüvvələrini dəstəkləmək üçün düzgün və qətiyyətli qərarların verilməsi həyati əhəmiyyət daşıyır.
09:06 14.01.2026
Oxunuş sayı: 1523
