Heydər Əliyev haqqında çəkilən filmlər alqışlandı: "Təqdirəlayiqdir"
Ümumilli lideri Heydər Əliyevin xarici ölkərələrə rəsmi səfərlərinin qeyri - rəsmi tərəfləri ilə bağlı silsilə filmlər hazırlayan “Bir səfərin izi ilə ” layihəsinin müəllifi, jurnalist, səyyah Azər Qərib bildirib ki, Ulu Öndərin bütün xarici ölkələrə səfərlərə barədə filmlərin hazırlanması planlaşdırılır. Onun sözlərinə görə, yaxın gələcəkdə Heydər Əliyevin Səudiyyə Ərəbistanına, Pakistana və digər ölkələrə səfərləri də işıqlandırılacaq.
Heydər Əliyevin Azərbaycan siyasətində oynadığı tarixi rol hər birimizə məlumdur. Təkcə ölkə daxilində yox, dünyanın müxtəlif yerlərində ona böyük hörmət və ehtiram nümayiş etdirilib. Bu, "Bir səfərin izi ilə" layihəsi çərçivəsində indiyə kimi çəkilən filmlərdən də aydın olur.
Sözügedən təşəbbüsün əhəmiyyəti barədə Crossmedia.az-a danışan danışan BDU-nun Jurnalistika fakültəsinin kafedra müdiri, professor Qulu Məhərrəmli deyib ki, bu cür filmlərin hazırlanması təqdirəlayiq addımdır: "Vaxtilə olub keçmiş hadisələrin üzərində siyasi bir hava olur. Bəzən insanlar siyasi məqamlara diqqət yetirirlər, amma mədəniyyət faktoru, kulturoloji aspektlər yaddan çıxır. Buna görə də indi o səfərlərə yenidən qayıtmaq, nüansları izah eləmək önəmli faktorlardır. Vaxtilə mənim də iştirak etdiyim səfərdə Heydər Əliyev Luvr muzeyində olmuşdu. Biz səfərdən qayıdıb gələndən sonra səfəri o zaman çəkən opertor Fazil Hadıyev kadrlara baxırdı. Soruşdum ki, xeyirdir, nəyə baxırsan? Dedi ki, mən həmin zaman kameranın obyektivindən baxırdım, demə, necə də gözəl imiş Luvr muzeyi. Deməyim odur ki, o məqamlar bizə hadisələrin mahiyyətini kulturoloji əsaslarını, estetik nüansları görməyə imkan verir. Ona görə də bu layihəni alqışlayıram və Azər Qəribə uğurlar arzulayıram".
Elmir Heydərli
14:00 25.07.2025
Oxunuş sayı: 1536
