Xarici xəbərlər

İran XİN: ABŞ nüvə silahlarının yayılmaması rejiminə ən böyük təhdiddir

İran Xarici İşlər Nazirliyinin sözçüsü İsmayıl Bəqayi ABŞ-ni nüvə silahlarının yayılmaması rejiminə ən böyük təhlükə yaratmaqda ittiham edib.

Crossmedia.az xəbər verir ki, İran XİN sözçüsü bu barədə açıqlamasında bildirib.

Bəqayinin sözlərinə görə, bir dövlətin digərini müəyyən silah növü ilə hədələməsi, hətta bu təhdidin dolayı formada ifadə olunması belə, Nüvə Silahlarının Yayılmaması haqqında Müqavilənin (NPT) pozulmasını təşviq edir.

“ABŞ həqiqətən nüvə silahlarının yayılmaması rejiminə ən böyük təhdiddir”, – deyə İran XİN rəsmisi vurğulayıb.

O bildirib ki, Vaşinqtonun bu cür davranışı beynəlxalq təhlükəsizlik baxımından təhlükəli presedent yaradır.

“ABŞ bütün ölkələrin beynəlxalq sülh və təhlükəsizliyini təhdid edən presedent formalaşdırır”, – deyə Bəqayi qeyd edib.

Mövzular:

İran ABŞ İsmayıl Bəqayi nüvə silahları nüvə təhlükəsi NPT nüvə silahlarının yayılmaması

🖨 Çap et

14:33 02.11.2026

Oxunuş sayı: 45