Xarici xəbərlər

İran XİN-dən ABŞ-yə sərt sual: Bütün yollar Təl-Əvivə aparır?

İran Xarici İşlər Nazirliyinin sözçüsü İsmayıl Bəqayi ABŞ rəhbərliyini İsrailin maraqlarına xidmət etməkdə ittiham edib.

Crossmedia.az xəbər verir ki, İran XİN-in sözçüsü İsmayıl Bəqayi bu barədə açıqlamasında bildirib.

Onun sözlərinə görə, Amerika ictimaiyyəti İsrailin ABŞ-yə münasibətdə davranışından narazıdır.

“Amerika ictimaiyyəti İsrail rejiminin ABŞ-yə qarşı parazitar davranışından yorulub və buna qəzəblənir. ABŞ öz nüfuzunu, sərvətini və beynəlxalq mövqeyini yalnız müharibə haqqında düşünən bir rejimə sərf edir”, – deyə Bəqayi bildirib.

İran XİN rəsmisi ABŞ rəsmilərinin ziddiyyətli bəyanatlarını da tənqid edib.

O qeyd edib ki, bu açıqlamalar Vaşinqtonun siyasətində çaşqınlıq olduğu təəssüratı yaradır və qərarların əslində kim tərəfindən qəbul edildiyi barədə suallar doğurur.

“ABŞ-də kiminlə danışmalıyıq? Doğrudanmı bütün yollar sonda Təl-Əvivə aparır?” – deyə Bəqayi sual edib.

Mövzular:

İran İsmayıl Bəqayi ABŞ İsrail Təl-Əviv Vaşinqton İran XİN

🖨 Çap et

12:18 02.11.2026

Oxunuş sayı: 51