Cəmiyyət

Səyyar ASAN xidmət bu rayonlarda fəaliyyət göstərəcək

Oğuzda, Ağstafada, Şabranda, Astarada, Ucarda və Xırdalanda noyabrın 3-16-da vətəndaşlara səyyar xidmət göstəriləcək.

Bu barədə Crossmedia.az-a Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyindən məlumat verilib.

Bildirilib ki, Xankəndidə noyabrın 3-6-da, Neftçalada 3-13-də, Biləcəridə 12-26-da, Ağdamda 13-26-da, Hacıqabulda isə 17-26-da Səyyar ASAN xidmət baş tutacaq

Səyyar ASAN xidmət avtobusları həftə içi 5 gün saat 10:00-dan 17:00-dək fəaliyyət göstərir.

Neftçalada fəaliyyət göstərən Səyyar ASAN xidmət avtobusunda isə iş qrafiki saat 11:00- dan 17:00-dək nəzərdə tutulub.

Vətəndaşlar səyyar xidmətlər barədə ətraflı məlumat əldə etmək üçün 108 (daxili nömrə 3 yığaraq) Çağrı mərkəzinə müraciət edə bilərlər.

Mövzular:

ASAN xidmət Səyyar ASAN dövlət xidmətləri noyabr Xankəndi Ağdam Xırdalan Neftçala

🖨 Çap et

14:23 02.11.2026

Oxunuş sayı: 111