ABŞ-də həlledici seçki: Trampın qarşıdakı iki ili müəyyənləşəcək
ABŞ-də noyabrın 3-də keçiriləcək aralıq seçkilər Prezident Donald Trampın səlahiyyət müddətinin qalan iki ilində siyasi fəaliyyət imkanlarına ciddi təsir göstərə bilər.
Crossmedia.az xəbər verir ki, Türkiyənin “Cumhuriyet” qəzeti bu barədə məlumat yayıb.
Seçkilərdə Konqresin Nümayəndələr Palatasındakı bütün 435 yer və Senatdakı 35 yer uğrunda mübarizə aparılacaq. Nəticələr qanunverici orqanın hər iki palatasında siyasi qüvvələr nisbətini müəyyən edəcək.
“Cumhuriyet” qəzetinə açıqlama verən jurnalist Yılmaz Polat bildirib ki, Trampın ictimai dəstəyinin aşağı olması respublikaçıların bəzi ştatlarda mövqelərini itirməsinə səbəb ola bilər.
Nəşr seçkiqabağı sorğularda demokratların üstün mövqedə olduğunu qeyd edib. Bununla belə, nəticələrin necə formalaşacağı səsvermədən sonra məlum olacaq.
Hazırda Konqresin hər iki palatasına Respublikaçılar Partiyası nəzarət edir. Demokratların Nümayəndələr Palatasında çoxluğu əldə etməsi üçün xalis üç, Senatda isə dörd əlavə yer qazanması lazımdır.
Seçkilərin nəticələri Tramp administrasiyasının qanunvericilik təşəbbüslərinə, büdcə siyasətinə və Konqreslə münasibətlərinə təsir göstərə bilər.
14:07 02.11.2026
Oxunuş sayı: 47
