Kolumbiyada pilotsuz uçuş aparatları ilə hücum: 4 nəfər ölüb
Kolumbiyanın qərbində hərbi baza yaxınlığında törədilən hücum nəticəsində azı 4 nəfər ölüb. Ölənlər arasında iki aylıq körpə də var.
Crossmedia.az xəbər verir ki, bu barədə Tolima departamentinin qubernatoru Adriana Maqali Matiz “X” sosial şəbəkəsində məlumat yayıb.
Hadisə noyabrın 2-nə keçən gecə Plandanas bələdiyyəsində, hərbi bazanın yerləşdiyi ərazidə baş verib. Məlumata görə, naməlum şəxslər pilotsuz uçuş aparatlarından istifadə edib və hərbi bazanın yaxınlığında minalanmış yük maşınını partladıblar.
Qubernatorun bildirdiyinə görə, ilkin məlumatlara əsasən, hücum nəticəsində 4 nəfər həyatını itirib. Ölənlərdən biri cəmi iki aylıq körpədir.
“Tiempo” qəzetinin məlumatına görə, partlayış nəticəsində bir neçə evə ciddi ziyan dəyib. Bundan başqa, ərazidə yerləşən aptekdə yanğın baş verib.
Bələdiyyənin meri Xuan Kamilo Uehe Rivera hadisədən sonra sosial şəbəkələrdə komendant saatının tətbiq olunduğunu açıqlayıb.
13:25 02.11.2026
Oxunuş sayı: 56
