Xarici xəbərlər

Rusiyanın Kamçatka sahillərində güclü zəlzələ qeydə alındı

Rusiyanın Kamçatka diyarı sahillərində 6,2 maqnitudalı zəlzələ qeydə alınıb. Zəlzələnin ocağı 73,8 kilometr dərinlikdə yerləşib.

Crossmedia.az xəbər verir ki, “Lenta.ru” bu barədə məlumat yayıb.

Yerin təkanları UTC ilə saat 16:34-də baş verib. Zəlzələnin episentri Petropavlovsk-Kamçatskidən 176 kilometr məsafədə olub.

Kamçatka Filialının məlumatına görə, regionda son günlər bir neçə zəlzələ qeydə alınıb. Sentyabrın 30-da da Kamçatkanın şərq sahillərində 5,6 və 5,2 maqnitudalı təkanlar baş verib.

Rusiya Fövqəladə Hallar Nazirliyinin məlumatına görə, hazırda Kamçatka ərazisində seysmik vəziyyət orta fon səviyyəsində qiymətləndirilir. Yaxın bir həftə ərzində Petropavlovsk-Kamçatski, Yelizovo və Vilyuçinsk şəhərlərində 7 və daha çox bal gücündə zəlzələ gözlənilmir.

Mövzular:

Rusiya Fövqəladə Hallar Nazirliyi zəlzələ Kamçatka şərq sahilləri

🖨 Çap et

23:40 02.10.2026

Oxunuş sayı: 43