Bu hücumlara dözməyəcəyik – ABŞ-dən Ərbil hadisəsinə sərt reaksiya
ABŞ-nin Türkiyədəki səfiri və Suriya və İraq üzrə xüsusi nümayəndəsi Tom Barrak İraq Kürdüstanının baş naziri Məsrur Bərzaninin Ərbildəki ofisinə edilən hücumu pisləyib.
Crossmedia.az xarici mediaya istinadən xəbər verir.
Barrak hücumu ABŞ-nin kürd müttəfiqlərinə qarşı qəbuledilməz təcavüz və regional sabitliyə birbaşa təhdid adlandırıb.
“Biz bu cür hücumlara dözməyəcəyik”, – deyə ABŞ rəsmisi bildirib.
Daha əvvəl Ərbildə Bərzaninin ofisini iki pilotsuz uçuş aparatının hədəfə aldığı bildirilmişdi. Kürdüstan Regional Hökumətinin təhlükəsizlik qurumunun məlumatına görə, PUA-ların İran ərazisindən buraxıldığı iddia olunur. Hücum nəticəsində ölən və yaralananların olmadığı bildirilib.
İran isə hücumla bağlı ittihamları rədd edib və hadisədə iştirakının olmadığını bildirib.
22:08 17.08.2026
Oxunuş sayı: 55
