Ekologiya

Səmada MÖHTƏŞƏM HADİSƏ - Azərbaycanda CƏMİ 32 DƏQİQƏ görünəcək

İlin ikinci Ay tutulması avqustun 28-də baş verəcək.

Bu barədə Crossmedia.az-a Bakı Dövlət Universitetinin Fizika fakültəsinin Astrofizika kafedrasından məlumat verilib.

Bildirilib ki, bu dəfə Ay Yer kürəsinin yalnız kölgəsinin bir hissəsindən keçəcək və qismən tutulma müşahidə olunacaq.

Ayın bir hissəsi qaralacaq, digər hissəsi isə işıqlı qalacaq. Yarımkölgəli Ay tutulması avqustun 28-də saat 05:23:55-də, qismən tutulma saat 06:33:48-də başlayacaq. Tutulmanın maksimumu saat 08:12:53-də olacaq. Qismən tutulma saat 09:51:55-də, yarımkölgəli Ay tutulması saat 11:01:41-də başa çatacaq.

Tutulma Avropa, Afrika, Asiya və Amerikadan görünəcək. Azərbaycan ərazisindən yarımkölgəli Ay tutulmasının yalnız bir hissəsini səhər saat 05:23-dən 05:55-ə - Ay batana qədər müşahidə etmək mümkün olacaq.

Mövzular:

Ay tutulması avqust 28 astronomiya Astrofizika Ay Yer qismən tutulma yarımkölgəli tutulma

🖨 Çap et

10:51 17.08.2026

Oxunuş sayı: 54