"Laçın" Ticarət Mərkəzində faciə: Lift İdarəsinin əməkdaşı həyatını itirdi
Bakıda ticarət mərkəzində liftin qırılması nəticəsində ölən şəxsin kimliyi məlum olub.
Crossmedia.az-ın əldə etdiyi məlumata görə, hadisə dünən paytaxtın Nizami rayonu ərazisində fəaliyyət göstərən "Laçın" ticarət mərkəzinin şaxtasında baş verib. 1962-ci il təvəllüdlü Namiq Məmmədov liftin şaxtasına düşərək ağır xəsarətlər alıb. O, xəstəxanaya çatdırılsa da, orada ölüb.
Məlumata görə, N.Məmmədov Bakı Lift İdarəsinin mexaniki olub və həmin vaxt o, ticarət mərkəzinin liftini təmir edirmiş. Hadisə zamanı liftdə nasazlıq yaranıb və N.Məmmədov şaxtaya düşüb.
Faktla bağlı araşdırma aparılır.
Məhəbbət Tərlanoğlu
12:03 06.08.2026
Oxunuş sayı: 1214
