Keçmiş nazir Zelenskiyə yeni rəqib çıxır
Ukraynanın vəzifədən azad edilmiş müdafiə naziri Mixail Fedorovun gələcəkdə prezident seçkilərində iştirak etməyə hazırlaşa bilər.
Crossmedia.az bu barədə “The Times” qəzetinə istinadən xəbər verir.
Nəşrin məlumatına görə, getdikcə daha çox insan 35 yaşlı Fedorovun bir gün prezidentliyə namizədliyini irəli sürə biləcəyini düşünür.
Məqalədə qeyd olunur ki, keçmiş müdafiə nazirinin tərəfdaşlarından biri onu korrupsiyaya qarşı islahatlara yönəlmiş yeni siyasi partiya yaratmağa təşviq etdiklərini bildirib. Həmçinin onun artıq bir neçə deputatın dəstəyini qazandığı iddia edilir.
“Xalqın xidmətçisi” partiyasından olan deputatlardan biri anonim şəkildə bu vəziyyəti Aleksandr Zalujnı ilə müqayisə edib. O bildirib ki, Zalujnı istefadan sonra seçkilərdə Zelenskini məğlub edə biləcək əsas rəqibə çevrilib.
Digər deputat isə qeyd edib ki, yaranmış qalmaqal Fedorovun siyasi nüfuzunu əhəmiyyətli dərəcədə artırıb:
“İndi köpək balıqları suların ətrafında dövrə vurur və yenidən seçkilərin keçiriləcəyi anı gözləyirlər”, – deyə deputat bildirib.
22:40 21.07.2026
Oxunuş sayı: 297
