İran ABŞ-nin dəniz blokadasının təsirini Rusiya və Xəzər marşrutu ilə azaltdı
İran ABŞ-nin tətbiq etdiyi dəniz blokadasının nəticələrini Rusiya və Xəzər dənizi üzərindən alternativ tədarük marşrutları hesabına minimuma endirə bilib.
Crossmedia.az xəbər verir ki, bu barədə "Tasnim" İranın kənd təsərrüfatı nazirinin müavini Məhəmməd Rza Talaiyə istinadən məlumat yayıb.
Talainin sözlərinə görə, ölkəyə idxal olunan yüklərin 30 faizdən çoxu İranın şimal limanları vasitəsilə qəbul edilir. Bu yüklərin əsas hissəsini ölkənin ərzaq təhlükəsizliyi üçün vacib olan kənd təsərrüfatı məhsulları təşkil edir.
O bildirib ki, məhz bu marşrutlardan istifadə sayəsində ABŞ-nin dəniz blokadası İranın daxili bazarında mal qıtlığına və ya tədarük zəncirində ciddi fasilələrə səbəb olmayıb.
15:07 21.07.2026
Oxunuş sayı: 66
