Xarici xəbərlər

İran ABŞ hərbçiləri yatarkən İordaniyadakı bazaya zərbə endirib

İranın İordaniyadakı "Muvaffaq Salti" aviabazasına endirdiyi raket zərbələrinin təfərrüatları məlum olub.

Crossmedia.az xəbər verir ki, bu barədə "The Wall Street Journal" (WSJ) amerikalı rəsmilərə istinadən məlumat yayıb.

Məlumata görə, ilk raket bazanın idman zalına düşüb. Həyəcan siqnalı vaxtında işə düşdüyü üçün hərbçilərin əksəriyyəti sığınacaqlara keçə bilsə də, bir neçə nəfər yaralanıb.

Bir neçə saat sonra ikinci raket boş təyyarə anqarını vurub. Üçüncü raket isə hərbçilərin yatdığı yaşayış binasına düşüb. Siqnal bu dəfə də işə düşsə də, bütün hərbçilər sığınacağa çatmağa imkan tapmayıb.

Pentaqon hadisə nəticəsində Havaydan olan birinci leytenant və Texasdan olan sıravi əsgərin həlak olduğunu təsdiqləyib. Daha bir ABŞ hərbçisi isə itkin düşmüş hesab olunur.

"WSJ" qeyd edir ki, raketlərin üçü də hava hücumundan müdafiə sistemlərini yararaq hədəfə çatıb. Nəşrin qiymətləndirməsinə görə, bu, bölgədə yerləşdirilmiş təxminən 50 min ABŞ hərbçisinin müdafiəsi ilə bağlı suallar yaradır.

🖨 Çap et

11:08 21.07.2026

Oxunuş sayı: 54