Türkiyə S-400-lə bağlı üçüncü ölkələrlə danışıqları davam etdirir
Türkiyə S-400 zenit-raket sistemləri ilə bağlı üçüncü ölkələrlə danışıqları davam etdirir.
Crossmedia.az xəbər verir ki, bu barədə "Türkiye" qəzeti ölkənin müdafiə naziri Yaşar Gülərin açıqlamasına istinadən məlumat yayıb.
Nazirin sözlərinə görə, ABŞ ilə hərbi-siyasi sahədə davam edən və müsbət dinamika qazanan dialoq çərçivəsində keçmişdən qalan, eləcə də üçüncü ölkələrə aid məsələlərin qarşılıqlı anlaşma və əməkdaşlıq yolu ilə həlli üçün variantlar axtarılır.
Yaşar Gülər vurğulayıb ki, Türkiyənin milli müdafiə planları mövcud və gələcək təhlükələr nəzərə alınaraq hər zaman peşəkar şəkildə hazırlanır.
10:39 21.07.2026
Oxunuş sayı: 58
