Mədəniyyət

Azərbaycanda kamança üzrə dövlət standartının layihəsi qəbul edilib

Prezident yanında Antiinhisar və İstehlak Bazarına Nəzarət Dövlət Agentliyinin tabeliyində fəaliyyət göstərən Azərbaycan Standartlaşdırma İnstitutunun (AZSTAND) "Azərbaycan xalq çalğı alətləri" standartlaşdırılma üzrə Texniki Komitəsinin (AZSTAND/TK 44) növbəti iclasında konsensus əsasında təsdiqlənib.

Crossmedia.az bu barədə AZSTAND-a istinadən xəbər verir.

Məlumata əsasən, iclasda Mədəniyyət Nazirliyi və AZSTAND-ın nümayəndələri ilə yanaşı, Azərbaycan Milli Konservatoriyasının Milli Musiqi Alətlərinin Təkmilləşdirilməsi Elmi-Tədqiqat Laboratoriyasının, Azərbaycan Milli Elmlər Akademiyasının, Azərbaycan Dövlət Mədəniyyət və İncəsənət Universitetinin, Azərbaycan Musiqi Mədəniyyəti Dövlət Muzeyinin, Azərbaycan Milli Konservatoriyası nəzdində Musiqi Kollecinin nümayəndələri, eləcə də ekspertlər, musiqişünaslar və kamança ifaçıları iştirak ediblər.

İclasda həmçinin AZSTAND/TK 44-ün strukturu və yeni üzvlərin komitəyə qəbulu məsələləri müzakirə edilərək səsverməyə çıxarılıb.

Qeyd edək ki, Texniki Komitənin yaradılmasında məqsəd Azərbaycan xalq çalğı alətlərinin qorunması və inkişafı, mədəni irsin gələcək nəsillərə ötürülməsi, standartlaşdırmanın müasir tələblərə və qabaqcıl beynəlxalq təcrübəyə uyğunlaşdırılması, eləcə də bu sahədə normativ sənədlər bazasının formalaşdırılmasıdır.

🖨 Çap et

17:34 20.07.2026

Oxunuş sayı: 58