Alıcıları itə bənzətdi, cərimədən qaça bilmədi - Məşhur şirkətin reklam qalmaqalı
Çində Logitech məhsullarının rəsmi distribütoru müştəriləri reklamlarda "itlərə" bənzətdiyinə görə 200 min yuan (təxminən 47 min manat) məbləğində cərimələnib.
Crossmedia.az xəbər verir ki, bu barədə "South China Morning Post" məlumat yayıb.
Məlumata görə, qalmaqala səbəb martın 25-də kompüter siçanı ilə bağlı yayımlanan reklam çarxı olub. Reklamda qiymət endirildikdən sonra alıcıların "itlər kimi qaçıb gələcəyi" mənasını verən ifadə işlədilib. Video sosial şəbəkələrdə ciddi narazılıq doğurduqdan sonra ertəsi gün silinib.
Cərimə Logitechin Çində əsas distribütorlarından olan Shanghai Baishide Electronics şirkətinə tətbiq edilib. Şirkət eyni zamanda markanın rəsmi onlayn mağazasını idarə edir.
Hadisədən sonra Logitech China ictimaiyyət qarşısında üzr istəyərək reklamın məzmununu qəbuledilməz adlandırıb və videonun distribütor əməkdaşı tərəfindən məcburi razılaşdırma prosedurundan keçmədən yayımlandığını bildirib.
Şirkət distribütordan daxili araşdırma aparmağı tələb edib. Shanghai Baishide Electronics isə məsuliyyəti üzərinə götürərək istifadəçilərdən üzr istəyib və gələcəkdə reklam materiallarına nəzarətin gücləndiriləcəyini açıqlayıb.
Nəşrin məlumatına görə, qalmaqal Logitechin ən böyük bazarlarından biri olan Çində şirkətin nüfuzuna da mənfi təsir göstərib. Çin bazarı istehsalçının qlobal satışlarının təxminən 10 faizini təşkil edir.
17:03 20.07.2026
Oxunuş sayı: 60
