Ermənistan rusiyalının ekstradisiyası məsələsini araşdırır
Ermənistan Ədliyyə Nazirliyi kompüter fırıldaqları işi üzrə saxlanılan Rusiya vətəndaşı Aleksandr Yermakovun ekstradisiyası ilə bağlı sənədləri araşdırır.
Crossmedia.az xəbər verir ki, bu barədə "TASS" agentliyinə Ermənistan Ədliyyə Nazirliyinin mətbuat katibi Mariam Melkumyan məlumat verib.
Onun sözlərinə görə, Aleksandr Yermakovun ekstradisiyası ilə bağlı xarici səlahiyyətli orqanlardan daxil olan sənədlər hazırda nazirlikdə öyrənilir.
Xatırladaq ki, Aleksandr Yermakov iyunun sonunda İrəvan hava limanında xarici ölkənin hüquq-mühafizə orqanlarının sorğusu əsasında saxlanılıb. O, həmin vaxtdan etibarən istintaq təcridxanasında saxlanılır.
Yermakov kompüter fırıldaqları ilə bağlı cinayət işi çərçivəsində beynəlxalq axtarışa verilmiş şəxslərdən biridir.
17:36 20.07.2026
Oxunuş sayı: 67
