Xarici xəbərlər

Polşa naziri: Ukrayna vətəndaşları ölkəmizdə qaydalara əməl etməlidirlər

Polşanın milli müdafiə naziri Vladislav Kosinyak-Kamış Ukrayna hakimiyyətini Polşada yaşayan vətəndaşlarını ölkə qanunlarına və ictimai qaydalara riayət etməyə çağırmağa səsləyib.

Crossmedia.az xəbər verir ki, bu barədə "RIA Novosti" məlumat yayıb.

Nazirin sözlərinə görə, Polşada olan Ukrayna vətəndaşları ölkənin qanunlarına və müəyyən edilmiş davranış qaydalarına əməl etməlidirlər.

"Ukrayna tərəfi öz vətəndaşlarını ölkəmizdə qonaq olduqları müddətdə bütün qayda və prinsiplərə riayət etməyə çağırmalıdır", – deyə Kosinyak-Kamış bildirib.

Nazir nümunə kimi ukraynalı bloqerin Tatra Milli Parkındakı Morske-Oko gölünə aparan, nəqliyyatın hərəkətinə qapalı olan piyada yolunda idman avtomobili ilə hərəkət etməsini göstərib. Onun sözlərinə görə, bu cür davranış yolverilməzdir.

🖨 Çap et

15:36 20.07.2026

Oxunuş sayı: 50