Xarici xəbərlər

İranın qərbində ardıcıl zəlzələlər baş verib

İranın qərbində 4,5 və 4,9 maqnitudalı iki zəlzələ qeydə alınıb.

Crossmedia.az xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.

Mərkəzin açıqlamasına görə, hər iki zəlzələnin ocağı yer səthinə yaxın dərinlikdə yerləşib. Dağıntılar və xəsarət alanlarla bağlı məlumatlar dəqiqləşdirilir.

Bununla yanaşı, ölkənin cənub-qərbində 5 maqnitudalı daha bir zəlzələ baş verib.

İranın Milli Seysmoloji Mərkəzinin məlumatına əsasən, zəlzələnin episentri Xuzistan əyalətinin Saland şəhəri yaxınlığında yerləşib. Yeraltı təkanların ocağı 8 kilometr dərinlikdə olub.

Yeraltı təkanlar Əhvaz, Əndimeşk və Dizful şəhərlərində də hiss edilib.

Hadisənin nəticələrinin qiymətləndirilməsi və zərərçəkənlərə yardım göstərilməsi məqsədilə bölgəyə İran Qırmızı Aypara Cəmiyyətinin xilasetmə qrupları göndərilib.

🖨 Çap et

10:51 20.07.2026

Oxunuş sayı: 249