Rubio: Si Cinpinin ABŞ-yə səfərinə hazırlıq davam edir
Çin Xalq Respublikasının Sədri Si Cinpinin sentyabr ayında ABŞ-yə planlaşdırılan səfərinə hazırlıq davam edir.
Crossmedia.az xəbər verir ki, "Bloomberg" bu barədə ABŞ dövlət katibi Marko Rubionun açıqlamasına istinadən məlumat yayıb.
Rubio bildirib ki, ABŞ Prezidenti Donald Trampın Çinin ABŞ-də keçirilən seçkilərə müdaxilə etdiyi barədə ittihamlarına baxmayaraq, Si Cinpinin səfərinin sentyabr ayında baş tutacağı gözlənilir.
"Biz gözləyirik ki, səfər sentyabr ayında baş tutsun", – deyə ABŞ dövlət katibi vurğulayıb.
Onun sözlərinə görə, Çin tərəfi səfərin təşkili ilə bağlı hazırlıqları davam etdirir və bu məqsədlə Vaşinqtona nümayəndələr göndərməkdədir.
Qeyd edək ki, ABŞ Prezidenti Donald Tramp iyulun 17-də xalqa televiziya müraciəti zamanı ABŞ-də fəaliyyət göstərən "dərin dövlət" nümayəndələrinin Çinin seçkilərə iddia edilən müdaxiləsi barədə məlumatları ölkə rəhbərliyindən və ictimaiyyətdən gizlətdiyini bildirmişdi.
10:49 20.07.2026
Oxunuş sayı: 71
